每個人都有一套漫畫陪伴成長，於我而言，就係Slam Dunk。你地睇緊呢篇文嘅同時，播下面呢首歌，一邊聽，一邊睇。
良城嘅控球、流川嘅技術、三井嘅三分、赤木嘅籃板、櫻木嘅籃板、木暮嘅支持都深深咁烙喺我嘅腦海之中。不過，令我最深刻嘅並唔係呢啲，而係佢地對籃球嘅熱情。
對你地黎講，對三井印象最深可能係佢喺關鍵時刻射入嘅三分球。但對我黎講，三井曾經行錯路，做古惑仔，更加去湘北球場搞事，打傷隊員，好在見到安西教練，講出心底嘅話：我好想打籃球。
混混噩噩過世嘅我地，有冇好似三井咁，有勇氣去問自己深處嘅靈魂，有勇氣咁面對真實嘅自己呢？
記得三井因為空白期，體能下降左唔少，但對翔陽同山王同業嗰陣，就算對手嘅防守有幾嚴密，攰到連自己雙手抬唔起，都仍然同自己講：唔可以放棄。以前安西教練同佢講過：如果放棄，就等於將賽事提早完結。我相信呢句話刻左喺三井嘅腦海，而佢自己都深深明白，如果放棄場賽事，就等於放棄左自己，正因為呢個信念，令佢不斷咁超越極限，射入多球三分。
赤木係一個抱住「全國制霸」夢嘅男人。其實湘北並唔係勁旅，一直靠木暮同赤木勉強支撐下去，所以有好多人唔明白佢，甚至覺得呢樣嘢係天方夜譚，根本冇可能發生。不過赤木冇理會人地嘅睇法，亦冇跳槽，一直堅持落去，夢想用自己雙手帶領湘北奪得全國冠軍，真係一個徹頭徹尾嘅傻仔。 好多人都好似佢咁，傻過，心諗世事不如人意，最尾不知不覺將自己嘅夢想放低左，但有幾多人又可以好似赤木咁，一路堅持落去呢？
湘北對上山王工業，河田喺比賽前半段可以話係完封左赤木，令佢冇哂信心，甚至改變打法。好在魚住點醒左佢：唔好忘記自己係有實力，最後佢夠膽正面面對河田，展示大猩猩嘅力量，吐氣揚眉。世事當然唔會好似漫畫咁如意，但係湘北戰勝山王，話左俾我聽一樣嘢：如果有一陣烏雲，你唔試下撥走，就一定會活在陰霾下；如果肯好似赤木咁，有勇氣去嘗試，有勇氣堅持落去，話唔定可以望到不一樣嘅風景。 夢想係遙遠，但始於足下。 相信係呢一種信念，令佢可以帶領嗰班問題軍團晉身全國大賽。
流川好波、唔多講嘢、唔GEL頭都靚仔、一米八七、唔洗溝都大把女埋身，係一個典型嘅受歡迎設定，應該好受女fans歡迎，對我黎講，最令我深刻嘅係佢對隊友嘅信任。好多人會覺得佢係單打型球員，一味自己拎個波扭下扭下一挑五，其實，佢係口硬心軟、外冷內熱嘅後生仔。
流川同花道好似前世撈亂骨頭咁，佢成日話花道吊車尾，話佢廢，但佢知道花道係有實力，真心相信呢個隊友，對山王工業最尾五秒，佢將個波傳俾花道，而唔係強行上籃。 因為呢一球，湘北以79比78戰勝山王。
好多時，我地會覺得一個人可以做到好多嘢，有超人心態，有更多時候，我地會覺得人地係咁。無論流川把口點講，佢都係打從心底去相信花道，願意相信人，搵到個人俾自己相信，見到佢地擊掌，我會諗起：好兄弟。
講起宮城良田，大家應該會諗起佢潮童LOOK同埋細路仔脾氣，原來井上出左本外傳係有關佢傷心嘅過去，令我對佢有唔一樣嘅睇法。
雖然良田講佢自己戴耳環、穿耳窿係模仿佢偶像，實情唔係咁。話說良田有一個大佢三年嘅哥哥，有一次出去釣魚，良田本身想跟埋去，但佢哥哥講左句：等你大個仔先啦！良田聽到呢句話，馬上發細路仔脾氣，衝口而出：正衰人，你以後唔好番嚟啦！點知呢一句係佢對佢哥哥講嘅最後一句話。
良田戴耳環、GEL蛋撻頭，係想向身在天國嘅哥哥講：哥哥，我長大了。
沉淪與振作，酒與籃球，佢選擇背負傷痛、背負對哥哥嘅歉意，矢志成為全國第一控球後衛，而最尾，佢係成功左，證明左俾全國睇：我有全國第一嘅實力，亦證明左俾佢哥哥睇：我長大了。可能，呢啲就係一個大細路嘅偏執。
櫻木花道係一個自稱天才嘅男人，佢一開始打籃球唔係為左興趣，而係單純為左追女仔，係一個100%嘅門外漢。
但係入左湘北校隊之後，花道喺對津久武嘅比賽，竟然平左縣內單場籃板球嘅紀錄；對翔陽嗰陣，強行灌籃，彈飛花形同埋另一個防守球員；對海南嘅時候，因誤傳累球隊輸波而痛哭流涕，更因罪惡感而剃光頭，搞到自己變左個紅頭和尚；為左係全國大賽有更好表現，佢一星期射二萬球，攰到死都繼續練習；湘北對戰山王，花道因為受傷而被換出場，但佢拼上籃球生涯都要堅持落場打，因為佢侷道：我只有現在。
「Don’t let your motivation burn out」係湘北球員帶埋我嘅信息。雖然我對籃球認識唔深，但每次睇佢地比賽，我都會不自覺熱淚盈眶，被佢地勇於追夢嘅熱情所感動。湘北每個人都有唔同嘅故事，但每個人都係大細路嚟，肯面對自己，問自己最喜歡嘅嘢係咩，然後就拚命咁去追求。無可否認，呢班問題軍團係好傻好天真嘅人，但正因為呢份傻勁、熱情，先可以向平平無奇嘅人生丟石頭，令自己就算到左七、八十歲，都仲有嘢可以拎出嚟回味， 同自己講：我盡力過。
良城嘅控球、流川嘅技術、三井嘅三分、赤木嘅籃板、櫻木嘅籃板、木暮嘅支持都深深咁烙喺我嘅腦海之中。不過，令我最深刻嘅並唔係呢啲，而係佢地對籃球嘅熱情。
對你地黎講，對三井印象最深可能係佢喺關鍵時刻射入嘅三分球。但對我黎講，三井曾經行錯路，做古惑仔，更加去湘北球場搞事，打傷隊員，好在見到安西教練，講出心底嘅話：我好想打籃球。
混混噩噩過世嘅我地，有冇好似三井咁，有勇氣去問自己深處嘅靈魂，有勇氣咁面對真實嘅自己呢？
記得三井因為空白期，體能下降左唔少，但對翔陽同山王同業嗰陣，就算對手嘅防守有幾嚴密，攰到連自己雙手抬唔起，都仍然同自己講：唔可以放棄。以前安西教練同佢講過：如果放棄，就等於將賽事提早完結。我相信呢句話刻左喺三井嘅腦海，而佢自己都深深明白，如果放棄場賽事，就等於放棄左自己，正因為呢個信念，令佢不斷咁超越極限，射入多球三分。
赤木係一個抱住「全國制霸」夢嘅男人。其實湘北並唔係勁旅，一直靠木暮同赤木勉強支撐下去，所以有好多人唔明白佢，甚至覺得呢樣嘢係天方夜譚，根本冇可能發生。不過赤木冇理會人地嘅睇法，亦冇跳槽，一直堅持落去，夢想用自己雙手帶領湘北奪得全國冠軍，真係一個徹頭徹尾嘅傻仔。 好多人都好似佢咁，傻過，心諗世事不如人意，最尾不知不覺將自己嘅夢想放低左，但有幾多人又可以好似赤木咁，一路堅持落去呢？
湘北對上山王工業，河田喺比賽前半段可以話係完封左赤木，令佢冇哂信心，甚至改變打法。好在魚住點醒左佢：唔好忘記自己係有實力，最後佢夠膽正面面對河田，展示大猩猩嘅力量，吐氣揚眉。世事當然唔會好似漫畫咁如意，但係湘北戰勝山王，話左俾我聽一樣嘢：如果有一陣烏雲，你唔試下撥走，就一定會活在陰霾下；如果肯好似赤木咁，有勇氣去嘗試，有勇氣堅持落去，話唔定可以望到不一樣嘅風景。 夢想係遙遠，但始於足下。 相信係呢一種信念，令佢可以帶領嗰班問題軍團晉身全國大賽。
流川好波、唔多講嘢、唔GEL頭都靚仔、一米八七、唔洗溝都大把女埋身，係一個典型嘅受歡迎設定，應該好受女fans歡迎，對我黎講，最令我深刻嘅係佢對隊友嘅信任。好多人會覺得佢係單打型球員，一味自己拎個波扭下扭下一挑五，其實，佢係口硬心軟、外冷內熱嘅後生仔。
流川同花道好似前世撈亂骨頭咁，佢成日話花道吊車尾，話佢廢，但佢知道花道係有實力，真心相信呢個隊友，對山王工業最尾五秒，佢將個波傳俾花道，而唔係強行上籃。 因為呢一球，湘北以79比78戰勝山王。
好多時，我地會覺得一個人可以做到好多嘢，有超人心態，有更多時候，我地會覺得人地係咁。無論流川把口點講，佢都係打從心底去相信花道，願意相信人，搵到個人俾自己相信，見到佢地擊掌，我會諗起：好兄弟。
講起宮城良田，大家應該會諗起佢潮童LOOK同埋細路仔脾氣，原來井上出左本外傳係有關佢傷心嘅過去，令我對佢有唔一樣嘅睇法。
雖然良田講佢自己戴耳環、穿耳窿係模仿佢偶像，實情唔係咁。話說良田有一個大佢三年嘅哥哥，有一次出去釣魚，良田本身想跟埋去，但佢哥哥講左句：等你大個仔先啦！良田聽到呢句話，馬上發細路仔脾氣，衝口而出：正衰人，你以後唔好番嚟啦！點知呢一句係佢對佢哥哥講嘅最後一句話。
良田戴耳環、GEL蛋撻頭，係想向身在天國嘅哥哥講：哥哥，我長大了。
沉淪與振作，酒與籃球，佢選擇背負傷痛、背負對哥哥嘅歉意，矢志成為全國第一控球後衛，而最尾，佢係成功左，證明左俾全國睇：我有全國第一嘅實力，亦證明左俾佢哥哥睇：我長大了。可能，呢啲就係一個大細路嘅偏執。
櫻木花道係一個自稱天才嘅男人，佢一開始打籃球唔係為左興趣，而係單純為左追女仔，係一個100%嘅門外漢。
但係入左湘北校隊之後，花道喺對津久武嘅比賽，竟然平左縣內單場籃板球嘅紀錄；對翔陽嗰陣，強行灌籃，彈飛花形同埋另一個防守球員；對海南嘅時候，因誤傳累球隊輸波而痛哭流涕，更因罪惡感而剃光頭，搞到自己變左個紅頭和尚；為左係全國大賽有更好表現，佢一星期射二萬球，攰到死都繼續練習；湘北對戰山王，花道因為受傷而被換出場，但佢拼上籃球生涯都要堅持落場打，因為佢侷道：我只有現在。
花道由一個門外漢，成長至一個籃球員，並唔係為左女仔，而係為左籃球，佢自己知道，無嘢可以扼殺佢對籃球嘅熱情，就算暈左，佢腦海都不斷浮現：我好喜歡打籃球。
單純咁喜歡一樣嘢，然後努力咁去追求，無論過程係幾艱辛，花道都一直同自己講：誰都不能左右我。因為喜歡，所以做過嘅一切都係值得。
「Don’t let your motivation burn out」係湘北球員帶埋我嘅信息。雖然我對籃球認識唔深，但每次睇佢地比賽，我都會不自覺熱淚盈眶，被佢地勇於追夢嘅熱情所感動。湘北每個人都有唔同嘅故事，但每個人都係大細路嚟，肯面對自己，問自己最喜歡嘅嘢係咩，然後就拚命咁去追求。無可否認，呢班問題軍團係好傻好天真嘅人，但正因為呢份傻勁、熱情，先可以向平平無奇嘅人生丟石頭，令自己就算到左七、八十歲，都仲有嘢可以拎出嚟回味， 同自己講：我盡力過。
0 意見:
張貼留言