【抽筋煙】裸辭

裸辭，即是未找到新工作時，就毫不留戀地把現在的工作給辭掉。抽筋煙身邊的朋友也不時出現這種情況。有人會認為裸辭是對家庭不負責任的做法，但抽筋煙認為只要想法得當，其實裸辭也未嘗不可。

首先，裸辭最重要的是勇氣。人面對未知總是容易帶來恐懼，而裸辭正正是人由一個安定的環境到一個未知的世界，每個月穩定(但又微薄)的薪金沒有了，家庭壓力、情人壓力往往隨之而來，所以只要不是每天可以坐私人飛機來往巴西的富二代，裸辭總是需要勇氣。

對抽筋煙來說裸辭才是負責任的做法。在辦公室裡請假半天去見工的列子屢見不鮮。但......其實，大家都心照啦，除非你當你老細真係Kai，唔係點會唔知你籠野呢？辭得職，其實不外乎都係當公司/老細/同事失望憤怒，不被重用又或者薪金過低幾個原因，而既然間公司令你咁失望，你又唔會因為無咗份工而死；公司亦都唔會因為無咗你而RUN唔到落去(如果覺得會既朋友......唔好玩啦，你咁重要仲洗鬼諗裸辭)。相濡以沬，不如相忘於江湖，大家放過大家，唔好耽誤大家時間。用辭職後的時間好好裝備自己，認真對待下一份工作的面試，才是真正的負責任。

所以裸辭需要的，是明確的目標。到底我自己想點？想HEA？HEA幾耐？遊學、進修、多學一門技能？無論是怎樣也好，除非你是想修成廢青，否則還是需要趁靜下來的時間好好想想自己的未來的(當然富二代朋友另計，絕對可以每日爽歪歪訓到下晝五點然後打LOL到凌晨三點)。沒有目標，除了悶到發慌外，更會令自己意志力減弱，被頹廢逐步蠶食，最終變成真正的一無是處。

另外，當然要有一定的儲蓄。就算爹娘唔洗靠你食，至少都要自己解決自己三餐車費見工錢，無理由咁都要靠屋企掛？除非中六合彩，否則都係要面對生活。唔係用時間買錢，就係用錢買時間，與其渾渾噩噩咁浪費時間，不如先用自己既薪金買定啲時間，好好裝備自己，重新出發。